انظمة وقوانين شبكة
قروب انزح
هنا راح تلقاء شروط التسجيل | شروط
المشاركات |شروط الترقيات|انظمة المخالفات| وكل مايتعلق بالشبكه هنا
قبل ماتقرا الشروط حط بالك المواضيع والردود اللي هنا لاتعبر عن راي قروب انزح وراك
بل تعبر عن زحف وتنسيم كاتبها .. يعني لايجي اي واحد يلوم الاداره
دام انك جازم تبي تسجل معنا وتشاركنا هنا حط بالك
التسجيل مفتوح معنا وبلاش وماحنا معيين على احد
تنضبط وتغدي منا حليلك والامسكناك الباب
لاتجي وتلفسف علينا بامور الدين وانت ماتدري معين هي هابه
يعني بالعربي الفصيــح لاتطرق بشي وتذب فيه وانت ماتعرفه
كل قسم له ضوابط وقوانين قبل تشارك فيها شف لضوابط القسم وعقبه شارك
اذا بغيت تنصح احد او تلابش انت وياه فيه قسم خاص للشكاوي او عن طريق الخاص
اللي علينا حنا
نلتزم ونطق صدورنا حنا يا ادارة مجموعة انزح البريدية
1- المحافظة التامة على بياناتك عند التسجيل وعدم نقلها لـ اي موقع اخرى دون ابلاغك
2- عدم استخدام الصلاحيات بقصد الاضرار بـ الاخرين
3- عدم الاساءة للأعضاء بأي شكل من الاشكال
4- تتشرف مجموعة انزح وراك بخدمة اعضائها وتلبية كافة متطلباتهم لتسهيل
امورهم داخل الشبكة
مايتعلق بالمواضــيع
قبل تنزل موضوع شف وشـ القسم المناسب لموضوعك واذا هو منقول استخدم
محرك بحث القروب وابحث عن الموضوع يمكن تلقاه نازل من قبل عضو اخر
عملية النسخ واللصق مانبيها .. اذا نويت تنقل موضوع ياخـي قم بتنسيقه وترتيبه وعلق
عليه لو بكم كلمه .. والا لاتنتظر احد يعلق على موضوع منقول وانت ماعلقت عليه
مواضيع فيها اغاني وشكشكه ورزفه ورقــص مانبيها
مسموح الذب والحش والعربجه بالمواضيع ولكن بحدود الادب ..
مايتعلق بالمجموعات
هناك للاعضاء ثلاث مجموعات مجموعة الاعضاء العادية مجموعة المميزين مجموعة التميز
مجموعة الاعضاء العادية
مسموح له المشاركة
ممنوع من تغيير اللقب
صندوق الرسائل الخاص فيه يسع 50 رساله
مجموعة المميزين
مسموح له المشاركة بجميع الاقسام
مسموح له تغيير اللقب 3 مرات
صندوق الرسائل الخاص فيه يسع 100 رساله
مجموعة التميز
كل شــي مسموح لهم
صندوق الرسائل الخاص فيه يسع 100 رساله
الترقيات
العضو اول مايسجل راح يحصل على عضويه عاديه
اذا لاحظنا انه استمر ومشاركاته تعدت الــ 1000 مشاركه راح يرقى لعضوية المميز
الترقية لعضوية التميـــز
ايـ عضو يجتهد وينزل 10مواضيع حصريه راح ينقل له على طول
مايخص المجموعة البريدية
طريقة الاشتراك بالمجموعة البريدية
اول شــي ادخل بريدك من هنا واضغط اشتراك
|
للاشتراك في
مجموعة انزح وراك البريدية
اكتب بريدك في
المربع ثم اضغط على اشتراك |
راح تلقاء رساله بصندوق الوارد عندك بالبريد افتح عليها واضغط الرابط اللي وصلك
وبهذا تكون تفعل اشتراكك معنا
اذا قفلت معك وتبي تشطب على اشتراكك لاتغثنا وتلج علينا عندك هذا الايميل ارسله
رساله
وراح يتم توقيف اشتراكك معنا تلقائي
anz7wrak+unsubscribe@googlegroups.com
مايخص برسائل المجموعة البريدية
حنا فتحنا قسم خاص لرسائل المجموعة البريدية يعني ايـ مشترك بالمجموعة البريدية
يستطيع تنزيل موضوع بقسم المجموعة البريدية من هنا حتى ولو مو مسجل معنا
- الرسائل المرسله للمجموعة البريدية ماراح تعتمد الا من قبل مشرفين المجموعة
البريدية
- رسالتك المرسلها لنا اذا نظرنا ان محتواها يسوى مالك حق تقول ليش تعدلون عليها
حنا نعدل الرسائل ونسقها حتى تطلع بشكل افضل للمشتركين
مواقع الرفع المعتمده
نقوله بالفم المليان ترونا ملينا من مواقع التحميل اللي
ماتجلس الصور فيها الا شهر وتحذف
عندنا مواقع هنا معتمده والصور فيها ماتنحذف ابد
http://www.anz7.com/forums/t4011.html
واي عضو يحمل
من غير المواقع موضوعه ممحذوف
أسئلة متكررة
تروكم غثيتونا بالمحتوى المخفي يعني لازم نرد ؟
بكيفنا مزاجنا ايــ عضو ينزل موضوع متعوب عليه و حصري من حقه يحط مخفــي
واذا تعسرك كلمة شكراً ... مو بلازم ترد .. اغلب الزوار ينسخ مواضيع متعوب عليها
وينقلها لمواقع اخرى دون ان يذكر المصدر ..
انا نزلت موضوع صور وحطيت روابط مخفيه ولكن المشرف ازال
المخفي؟
الصور ممنوع توضع بروابط مخفيه ظاهره للجميع وتكتفي بحفظ حقوق الموقع
انا نزلت موضوع وحطيت روابط مخفيه ولكن المشرف ازال المخفي؟
قلنا لكم المخفي للمواضيع المتعوب عليها والحصريه اما المنقول مافيه مخفــي
على ويش نحط مخفي على شغل شخص مو عندنا تاعب عليه ولنا وجه بعد نحط مخفي
ليه بعض الاقسام عندي مكتوب خاص وكانت مو مكتوب خاص ؟
لانك طينته وخربته وقمت تبزوط وعشان هلون قفلنا القسم من دونك
وشـ الاسباب اللي منعتني دخول القسم
الردود الماصله مثل
ووووووووووووووووووووووووووووووووو
أأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأا
كععععععععععععععععععععععععععععععععع
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
.......................................
<<<<<<<<<<<<<<<<<<<<<<
ردودك هذه اللي منعتك ... اذا مقصدك تبي تشوف الروابط المخفيه وتحجج انك ماتقدر ترد
الا اما تشوف
اكتب محجوز ؟ وشف وارجع رد واحلق شنبي ان رجعت ترد
اقل شي اكتب شكراً .. تدعم وتشجع العضو على الاستمرار في كتابة المواضيع
ليه موضوعي تم حذفه ؟
لانه مخالف يالغالي لقوانين القسم كل قسم فيه قوانين وكل قوانيين لازم تمشي عليها
والا كلبشناك
قافلتن معي اتش وطفشان ؟
فكك بحليب سعوديه ونم
ليه ماتغيرون نكي او اللقب حقي ؟
لانك للحين ماترقيت ولا نعرف عنك شين اقضب ارضك لما نشوف مستواك
|
